“Ўзбекнефтгаз” АЖнинг расмий баёноти

Бош саҳифа Русский

Ўзбекистон Республикаси Президенти раҳбарлигида 2020 йил 21 октябрь куни ўтказилган йиғилишда табиий газ қазиб олиш бўйича белгиланган режанинг Газли ва Устюрт бошқармаларида бажарилмаганлиги, шунингдек, Газли ва Учқир конларида геологик ишлар суст олиб борилгани учун “Ўзбекнефтгаз” АЖ раисининг ўринбосари К.Тўхтаев, Устюрт (О.Оринбаев) ва Газли (А.Эгамов) нефть ва газ қазиб чиқариш бошқармалари раҳбарлари фаолияти танқид қилинган.

Юқорида қайд этилган масъул раҳбарларнинг фаолиятида йўл қўйилган камчиликлар оқибатида нефть-газ тармоғида вужудга келган қолоқликларни тегишли бошқарув органлари йиғилишида кўриб чиқиш ҳамда оммавий ахборот воситалари орқали кенг жамоатчиликка етказиш вазифаси топширилган.

2020 йилнинг 22 октябрь куни “Ўзбекнефтгаз” АЖда Давлат раҳбари раислигида саноат тармоқларидаги 9 ойлик натижалари ва йил якунигача бажарилиши лозим бўлган вазифалар муҳокамаси бўйича видеоселектор йиғилиши ўтказилди ва йиғилиш баён қабул қилинди.

Унда масъул раҳбарлар, ҳусусан Бошқарув раиси ўринбосари К.Тўхтаев, нефть ва газ қазиб чиқариш бошқарма директорлари А.Эгамов ва О.Оринбаевлар табиий газ қазиб чиқариш ва қудуқларни ишга тушириш кўрсаткичлари жорий йилнинг 9 ойи якунларида бажарилмаганлиги ҳамда “Ўзбекнефтгаз” АЖнинг 13.08.2020 йилдаги 261-сон буйруғи топшириқлари ижросини таъминлашда сусткашликка йўл қўйилганлиги учун огоҳлантириш қайд этилди.

Ўзбекистон Республикаси Бош прокуратурасининг 2020 йил 21 декабрдаги 10.2/10-20 сонли “Қонунбизилиши, унинг келиб чиқиш сабаблари ва бунга имконият яратиб бераётган шарт-шароитларни бартараф этиш тўғрисида”ги тақдимномаси бўйича Газли НГҚЧБ, Устюрт ГҚЧБ масъуллари иштирокида 2021 йил 25 январь куни муҳокама қилинди.

“Ўзбекнефтгаз” АЖ Матбуот хизмати

#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш

|web-sayt |facebook |instagram |telegram|vk.com|YouTube|twitter|