“Ўзбекнефтгаз”:Бухорода кунлик 228 минг куб метр табиий газ ва 3 тонна газ конденсати олинадиган қудуқ очилди (Видео)

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаев топшириғига асосан конларда табиий газ қазиб чиқаришни кўпайтириш мақсадида кенг кўламли ишлар амалга оширилмоқда.

Жумладан, қудуқларда капитал таъмирлаш ишларини бажариш баробарида, янги қудуқлар бурғиланиб, тугатилган қудуқлар мажмуасида турганлари эса қайта таъмирланиб ишга қўшилмоқда.

"Ўзбекнефтгаз" АЖ Муборак нефть ва газ қазиб чиқариш бошқармасига қарашли “Ғарбий тегирмон” газ конденсат конидаги 8-сонли қудуқда олиб борилган бурғилаш ишлари ҳам муваффақиятли якунланди.

Қудуқ бурғилаш ишларидан сўнг 2368–2372м, 2376–2379 м оралиқда перфорация қилинди.

Қудуқни ўзлаштириш ишларидан сўнг, кунлик 228 минг куб метр саноат миқёсидаги табиий газ ва 3 тонна газ конденсати қазиб чиқарилишига эришилди.

Маълумот учун: "Ғарбий тегирмон" кони Бухоро вилоятининг Олот туманида жойлашган бўлиб 2019 йилдан буён ишлатилиб келинмоқда.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш

|web-sayt|facebook|instagram|telegram|vk.com|YouTube|twitter|